Киноны 3D болон эффект тал дээр өнөөдөр дэлхийд ноёлож байгаа цорын ганц компани бол Weta Digital. Avatar кинонд оролцсноос хойш энэ компанийн нэр хүнд маш өндөр болсон . Тийм ч учраас сүүлийн үед шинээр гарч байгаа шинжлэх ухааны уран зөгнөлт кинонууд энэ компанитай ихээхэн хамтарч ажилладаг болоод байгаа билээ. Weta Digital гэдэг нэр нь ч өөрөө киноны орлогын томоохон эх үүсвэр болчихоод байгаа. Тэгвэл тус компанийн зүгээс тусгай эффектийг нь хариуцаж хийж байгаа нэгэн кино маргааш нээлтээ хийх гэж байна. Энэ бол "Rise of the Planet of the Apes" кино. Энэ кино бол найруулагч Tim Burton-ы 2001 онд үзэгчдэд хүргэж байсан "Planet of the Apes" киноны оршил анги юм. Тэгвэл тус киноны нээлт маргааш болох гэж байгаатай уялдуулан Weta Digital мичнүүдийн нууцаас та бүхэнд хүргэж байна. Энэ зуны шилдэг кинонуудын нэг болсон тус бүтээлийн тусгай эффектийг хэрхэн хийж байгааг энэхүү видеоноос сонирхоорой.Киноны талаарх бусад мэдээллийг эндээс уншна уу.