ITISMOVIE | Movies, Trailers, Soundtracks

Aardman болон StudioCanal хамтран 2015 оны Shaun the Sheep бүрэн хэмжээний анимешныхаа үргэлжлэл Shaun the Sheep Movie 2 анимешныг хийхээр болсоноо өчигдөр зарлалаа. Тус анимешны найруулагчаар өмнөх ангийг найруулсан Richard Starzak, продюсераар Paul Kewley нар дахин ажиллана. Shaun the Sheep Movie 2 анимешны pre-production ажлыг ирэх 2017 оны 1-р сард эхлүүлэхээр болжээ. Shaun the Sheep Movie анимешныг өнгөрөгч онд 25$ сая ам.долларын зардалтай бүтээж 106$ сая ам.долларын орлогыг boxoffice-оос олсон байдаг.

Wallace and Gromit , Chicken Run анимешнуудыг бүтээгч Aardman Animation -ийн шинэ бүтээл Shaun the Sheep Movie киноны шинэ trailer гарлаа. Тус анимешны найруулагчаар  Mark Burton, Richard Starzack нар хамтран ажиллаж байгаа юм. Lionsgate кино компани Shaun the Sheep Movie анимешинг 8-р сарын 7-нд хойд америкын кино театруудаар гаргана. Өмнө нь Sundance Film Festival дээр 1 сард үзэчдэд хүргэсэн бөгөөд шүүмжлэгчдээс ихээхэн эерэг үнэлгээ авсан байдаг. Aardman-ийнхэн аль хэдийнэ тус анимешны дараагийн ангийн төслийг эхлүүлэхээр ярилцаад эхэлсэн байна.

Wallace and Gromit анимешнаас төрөн гарсан Shaun the Sheep цуврал анимешн энэ удаад өргөн дэлгэцнээ та бидний хүртэл болох гэж буй. Өмнө нь Wallace and Gromit, Chicken Run гэсэн өргөн дэлгэцийн анимешнг амжилттай гаргасан Aardman анимешн кино компани Shaun the Sheep The Movie анимешнаа 2015 онд үзэгчдэд хүргэхээр бэлэн болгоод байгаа. Энэ удаад Shaun болон түүний сүрэг их хотруу фермийн эзэнг хайхар явах болно. Stop-motion төрлөөр бүтээгдэж байгаа адал явдалт, инээдмийн Shaun the Sheep The Movie анимешны зохиол, найруулгыг Aardman-ийн ахлах дайчин Richard Starzak болон BBC-ийн Mark Burton нар хийж байна. Кино 2015 оны 2-р сарын 6-нд нээлтээ хийнэ.

Aardman Animation кино компани шинээр гаргах Shaun the Sheep the Movie киноныхаа удаах teaser trailer-г цацлаа.  Shaun the Sheep цуврал нь Aardman Animation кино компанийн Wallace and Gromit франчайзаас төрөн гарсан шинэ франчайз юм. Тэд энэ франчайзаа улам өргөн болгохын тулд ийнхүү өргөн дэлгэцнээ бүрэн хэмжээний анимешн болгон гаргахаар ажиллаж байгаа юм. Shaun the Sheep the Movie анимешн ирэх 2015 оны 2-р сарын 6-нд нээлтээ хийнэ.

Aardman Animation кино компани өөрсдийн шилдэг бүтээлүүдийн нэг Wallace and Gromit франчайзаас төрөн гарсан Shaun the Sheep хүүхдийн цувралаа бүрэн хэмжээний кино болгон гаргах гэж байна. 2007 онд Британийн CBBC сувгаар анх гарч эхэлсэн энэхүү цуврал 7 минутын нийт 4 бүлэг 120 ангитай бөгөөд өдгөө дэлхийн 180 гаруй оронд гараад байна. Хүүхэд, эцэг эхчүүдээс сайн үнэлгээ авсан энэ амжилттай бүтээлээ Aardman Animation кино компани ирэх 2015 оны 3-р сарын 20-д өргөн дэлгэцнээ харуулахаар болсон байна. Ингээд Shaun the Sheep the Movie киноны анхны teaser trailer-г сонирхоцгооё.